TOLLAN IPOLIHUILIZ

 
Yancuican in temachticatzin Maarten Jansen oquixtlali ic in tecuhtli itoca „4 Ocelotl“ ipan in mixtecaamame (yuhquin in Tonindeye-Amatl = „Códice Nuttall“ ihuan in Qhcuaa-Amatl = „Códice Bodley“), in tenyo toltecapilli catca itoca Nacxitl Quetzalcoatl
(–>“La dinastía de Añute“, Leiden, 2000, 72-83).
 
Ica inin, auh no ica in tle pohualo ipan in Tlahtollotl Tolteca-Chichimeca („Historia Tolteca Chichimeca“), tihuelitih ticmatizque catlein xihuipan omomiquili in tolteca tlatoani itoca Huemac. In oyuh Huemac omomiquili , opeuh Tollan ipolihuiliz.
 
In tecuhtli „4 Ocelotl“ (Nacxitl Quetzalcoatl) huehuetlacatl catca ihcuac yehuatl ihuan in mixteca tlatoani „8 Mazatl“ omocentlalique ipan Tlillantonco xihuipan 7 calli (mixtecatonalpohualpan) = 8 calli (toltecatonalpohualpan) = 1097 d. C.; auh in tecuhtli „4 Ocelotl“ (Nacxitl Quetzalcoatl) oquiyacapoxtlac in mixteca tlatoani „4 Ehecatl“ xihuipan 3 acatl (mixtecatonalpohualpan) = 4 acatl (toltecatonalpohualpan) = 1119 d. C. In yuh hueliti yez in tecuhtli „4 Ocelotl“ (Nacxitl Quetzalcoatl) omotlacatili xihuipan 1040 d. C. (+/-).
 
Intla ticnamictiah ixquich in otlacuiloloc ipan in Tlahtollotl Tolteca-Chichimeca, in amatl Tonindeye („Códice Nuttall“), in amatl Qhcuaa („Códice Bodley“), in Cuauhtitlan xiuhamame, in Cuauhtinchan amatl ixmacho yuhquin „Códice 1553“ ihuan in amatl itechpa in mexitin innehnemi („Tira de la peregrinación“), tihuelitih tictlalizque inin:
 
~ 1040 d. C.   Itlacatiliz Nacxitl Quetzalcoatl
                     („4 Ocelotl“ ipan in mixtecaamame).  (+/-)
 
~ 1050 d. C.   Itlacatiliz Huemac.  (+/-)
 
   1096 d. C.   Nacxitl Quetzalcoatl („4 Ocelotl“) 
                     oehuac Tollan.
 
   1097 d. C.   Nacxitl Quetzalcoatl („4 Ocelotl“)
                     ihuan „8 Mazatl“
                     omocentlalique Tlillantoncopan.
 
~ 1110 d. C.   Icxicoatl ihuan Quetzalteueyac
                     omotlacatilique. (+/-)
 
   1119 d. C.   Nacxitl Quetzalcoatl („4 Ocelotl“) oquiyacapoxtlac
                     in tecuhtli „4 Ehecatl“.
                     Azo omomiquili inin xihuipan. (+/-)
 
   1129 d. C.   In toltecah nonohualcah oehuaque Tollan.
 
   1130 d. C.   Huemac omictiloc Cencalcopan.
                     In toltecah chichimecah
                     inhuan in inteyacanhuan (Icxicoatl,
                     Quetzalteueyac, Tezcahuitzil, Tololohuitzil,
                     Couenan tlamacazqui) oehuaque Tollan.
                     Nauhyotzin omochiuh Tollan tlatoani.
 
 
    NICAN OPEUH TOLLAN IPOLIHUILIZ
 
 
   1145 d. C.
–  1163 d. C.  In mexitin omocauhque in ipan Tollan.
 
   1168 d. C.  Icxicoatl, Quetzalteueyac ihuan
                    in tolteca chichimecah
                    oacicoh Tlachihualtepetl Cholollan.
 
   1173 d. C.  Icxicoatl ihuan Quetzalteueyac
                    omohuicacque in ihuic Chicomoztoc
                    ic quintlatlauhtiazque
                    in chichimecah chimoztocah
                    in quimpalehuizque quimpopolozque
                    in inyaouhhuan in olmecah-xicalancah.
 
   1175 d. C.  In cuauhtinchantlacah otlalmaceuhque.
 
~ 1184 d. C.  Azo inin xihuipan omomiquilique
                    in Icxicoatl ihuan in Quetzalteueyac. (+/-)
 
 
 
 
 
 
 
 
 
 
 
 
 
Advertisements
Dieser Beitrag wurde unter Nahuatl veröffentlicht. Setze ein Lesezeichen auf den Permalink.