¿ TLE QUIHTOZNEQUI AZTLAN ?

 
Mihtoa, Aztlan quihtoznequi „Aztamecan“. Yeceh, intla tiquittanih Aztlan itlacuilol ipan amame, ahmo nextia ic Aztlan quihtoznequi „Aztamecan“:
 
 
 
Chimalpahin otlacuilo inin: „..yehica yn oncan ycac yn huey azquahuitl ynic yehuatl ypampa motenehua Aztlan“ (inic yei tenonotzaliztli, 69r – 70r). Auh ahmo nextia amamepan inon cuahuitl.
 
Durán quihtoaya, Aztlan quihtoznequi „Iztac-yocan„.
 
Axcan ma tiquittazque in Aztlan itlacuilol: Ompa motta „atl“ ihuan „acatl“. Inin acatl, aztapilli. Sahagún otlacuilo itechpa in aztapilli: „huey ihuan tomahuac acatl…..cenca hueyac ihuan mochi ipan iauh huel iztac„. In ipampa titomatih, Aztlan itech monequi tlacuiloloz „Aaztlan„.
 
Aaztlan = A-AZ-TLAN
A = Atl
AZ = Az(tapilli)
TLAN = Can
 
In yuh, Aaztlan („Aaztapilcan“) quihtoznequi „Iztac-yocan“ („Lugar de la blancura“ / „Ort der Weisse“ / „Lieu de la blancheur“ / „Luogo della bianchezza“), yeh ipampa in aztapilli „mochi ipan iauh huel iztac(Sahagún).
 
Aaztlan itlacuilol amamepan quintlamachiyotlalia „Atl“ ihuan „Aztapilli“. Inin ahmo ixiptlatlacuilolli (pictograma) tel caquiztlacuilolli (fonograma) ipampa „Aaztapilcan“.  Auh in tlacuilolli „Aaztapilcan“ tlanemiliztlacuilolli (ideograma) ipampa „Iztac-yocan“.
 
Ica in omoteneuh tlacpac ticacicamatih  Aaztlan (Aztlan) iquihtoznequiliz ahmo Aztamecan tel Iztac-yocan ca.
 
 
 
 
 
 
 
 
 
 
  
 
 
Advertisements
Dieser Beitrag wurde unter Nahuatl veröffentlicht. Setze ein Lesezeichen auf den Permalink.