MEXIHCO-TENOCHTITLAN IALTEPEHUALTILIZ

 
Ticmatih, Mexihco-Tenochtitlan oaltepehualtiloc xihuipan 3 calli (1325 d. C.).
 
¿ Cuix tihuelitih ticmatizque, iquin (quihtoznequi, catlein tonalpan) inin omochiuh ?
 
Azo quehma.
 
Ipan in „Crónica Mexicayotl“ otlaihcuiloloc inin:
 
„…13 Acatl xihuitl, 1323 años, ipan in oncan cempohual xiuhtique on macuiltique in Tizaapan in Mexica…….niman oquinmacac in Mexica oquihuica ce in ichpoch in Achitometl…..auh niman yeh quimictia, yeh quixipehua in cihuapilli…..niman….inon ma quittac in ehuatl, in ce tlacatl in ichpoch in Achitometl, cenca omomauhti, niman yeh ic tzatziquintzatzilia in itlahtocahuan, ihuan in imacehualhuan quimilhuia: ‚Aquique in a Colhuaquehé, cuix ahmo anquitta ca oquixipeuhque, in nochpotzin ahmo nican yezque in tlahuelliloque, tiquinmictizque, tiquinpopollozque, nican tlamizque in tlahuelliloque‘ auh niman yeh ic moyaotla……auh niman yeh tetoca in Colhuaque quintoca in Mexica, niman yeh quimonquequetza in atlah in Mexica…..auh niman ic oncan acicoh in oncan tollihtic, acaihtic in Mexicatzinco…..auh niman yeh ic huitze hualmicuanique zan no oncan acaihtic in tollihtic in motlallico itocayocan Iztacalco in Mexica….niman yeh ic huitze in aihtic itocayocan Pantitlan, oncan motlallique huecauhque in oncatca in Pantitlan, auh niman yeh huitze oncan zan no tollihtic, acaihtic in oncan motlallique, niman oncan ce tlacatl mixiuh in inpiltzin in imichpoch in Mexica itoca Quetzalmoyahuatzin, auh in iconeuh itoca Contzallan. Auh ipan cemilhui tonalli chicnahui ehecatl yehuatl ipampa in axcan itocayocan Mixiuhcan, niman yeh ic huitze oncan motlallico in oncan ihcac icaltzin Sn. Pablo, itepotzco, in oncan quichiuhque quiquetzque in Temazcalli, oncan quitenque in imichpoch in Mexica in itoca Quetzalmoyahuatzin oncan omoten in inan in Contzallan, inic motocayotia Temazcaltitlan, oncan motenque mochintin in Mexica oncan motlallique yeh cate…..auh niman on oceppa yaque in Toltzallan in Acatzallan in Oztotempa, auh in no ipan quizato Acatitlan ihcac in Tenochtli in oncan Oztotempa in oquittaque ic pacca icpac ihcac moquetztica in Cuauhtli in yehuatl in Tenochtli oncan tlacua…auh niman yeh ic choca in Mexica quihtoa ‚otocnopiltic, otomacehualtic ca oticmahuizoque in taltepeuh yez, ma oc tihuian, ma oc titocehuiti‘ niman yeh ic huitze in oncan Temazcaltitlan in ipan in Ome Calli xihuitl, 1325 años. Auh ca niman yeh ic quimilhuia in yehuatl in Cuauhtlequetzqui anozo Cuauhcoatl in Mexica quimilhui: ‚Nopilhuané, ma titlachtequican ma achitzin tictlallican tlachcuitectzintli ihuan totlalmomoz in oncan otiquittaco in cuauhtli‘….“.
 
In yuh, ticmatih inin:
 
a) Xihuipan 13 acatl (1323 d. C.), in mexicah oquitlalcahuaque Tizaapan
b) Ipan cemilhui tonalli chiconahui ehecatl (9 ehecatl) otlacat Contzallan, Temazcaltitlapan
c) Xihuipan 2 calli (1325 d. C.), in mexicah otictlalique itlalmomoz Tenochtitlapan —-> Mexihco-Tenochtitlan ialtepehualtiliz
 
In cemilhuitl 9 ehecatl omochiuh ipan iniquein xihuime:
 
12.05.1323 (xulian-pohualli)
27.01.1324 (xulian-pohualli)
13.10.1324 (xulian-pohualli)
01.07.1325 (xulian-pohualli)
 
Ipan in Crónica Mexicayotl otlaihcuiloloc:
 
a) „Oncan motlallique huecauhque in oncatca Pantitlan
b) „Ipan cemilhui tonalli chiconahui ehecatl (9 ehecatl)….otlacat Contzallan
 
In ipampa nextia ic, in cemilhuitl in ipan otlacat Contzallan, 01.07.1325 catca (xulian-pohualli), yeh ipampa in mexicah huecauhque in on catcah Pantilan, ihuan 01.07 cemilhuitl tonalli ca.
 
Ica in omoteneuh tlacpac, Mexihco-Tenochtitlan itech omonec altepehualtiz cemilhuipan in oyuh 01.07.1325.
 
¿ Auh catlein tonalpan?
 
 
Ompa monextia, in tonalli in ipan Mexihco-Tenochtitlan oaltepehualtiloc, tonalli 7 ozomatli catca. Quihtoznequi, cemilhuitl 28.09.1325
 
 
 
 
 
 
 
 
 
 
 
 
 
 
Advertisements
Dieser Beitrag wurde unter Nahuatl veröffentlicht. Setze ein Lesezeichen auf den Permalink.